Monday, July 21, 2008

Excerpt: Pasahe

Excerpt of a crime story I'm writing. It's also my first attempt at a story in Filipino. Very slow going as I have to check the dictionary every other word, but I'm very surprised at how natural and real it feels to be writing in what is supposed to be my country's national language. I know it sounds contradictory, but I'll explain that in a later post. I hope.

"Para. Dito na lang po."

Ito ang sabi ng pasahero. Tahimik at patag ang boses, walang pahiwatig ng hapding nadarama sa sugat nito.

Pinabagal ni Efren ang kanyang taksi, at maingat na ibinaling pakanan patungong gilid ng bangketa. Dahan-dahang inihinto sa tabi. Sumibad pakanan at pakilawa ang kanyang mata upang suriin ang kapaligiran habang pilit na pinatiliang makitid ang ulo. Walang ibang kotseng dumadaan sa lansangan, walang ibang taong namatyagan. Siya lamang at ang kanyang pasahero.

Damdam ni Efren ang tulo ng mga butil ng pawis sa kanyang noo at batok, kahit nasa pinkalakas na ang ihip ng kanyang airconditioner. Tuyo ang kanyang panlalamunan, sabik na sabik nang makahigop ng tubig galing sa kanyang bote. Ngunit nang di sinasadyang nasulyap ang boteng nakaipit sa pagitan ng upuan, nakita niyang ito ay walan nang laman.


Narinig ni Efren na bumukas ang pinto sa likuran. May anas ng kaskas ng katad ng tsaketa sa katad ng kanyang upuan. Umungol ng panandalian ang pasahero, sunod ang tunog ng yapak ng sapatos sa palitada.

Pagkatapos, ang malakas na pinid ng pagsara ng pintuan.

Takbo. Alis. Takbo. Alis. Takbo. Alis. Ito ang isip na umalingawngaw sa utak ni Efren.

Tahimik ngunit ramdam ang bahagyan huni ng makina ng kanyang taksi, handang kumalaskas palayo sa masamang tao patungong kaligtasan. Ngunit mistulang nakadikit ang kanyang dalawang kamay sa manibela. Puting puti na ang mga buko ng kaniyang daliri sa higpit nang kapit.

Mula aa gilid ng kaniyang mga mata, napuna niyang gumagalaw paharap ang anino ng kanyang pasahero, patungo sa pampasaherong pintuan.

Pilit niyang ipinagbitiw ang kanyang kanang kamay sa manibela. Mistulang sa pulot gumagalaw. Niloob niyang pinalakbay ang kanyang kamay galing manibela papuntang kambiada, ngunit nguminginig na lumalaban sa kanyang kagustuhan.

Sa wakas, naabot rin ang makinis na kabilogan ng ulo ng kambiada. Marahang itinulak ito pakaliwa, handang ilagay ito sa primera at sasabayin ng bitiw sa embrague at yapak sa gasolinador.

Ngunit hanggang maiksing galaw lang ng kambiada ang nakayanan ni Efren. Nasindak siya sa langitngit ng pagbukas ng pampasaherong pintuan. Di sinasadyang napalingon at namatyagan ang itim na tsaketa ng kanyang pasahero at ang kaputian ng polo na sumusilyap sa bitis, kaputiang napinsala ng pahiwatig ng pula.

Muntik nang nasulyap ni Efren ang mukha ng pasahero, buti na lang at napigilan ang sarili nang makita nito ang simula ng leeg. Mabilis na binaba ni Efren ang kanyang mga mata, sabay ng maikling panalanging nahalata ito ng mama. Tutok na lang siya sa dibdib.

Ipinilit niyang iniunat ang kanyang bibig sa isang napakalaking ngiti, kitang kita ang kaniyang ngipin at abot-abot sa kanyang mga gilagid.

"Tsip, pa-alis na po ako."

Di inaakala ni Efren na makapagbigay pa siya ng isang magiliw at pabayang saludo, ngunit ito nga'y nagawa niya. Pantay din ang kaniyang boses, pero parang di na maalis ang pilit na ngiti sa kanyang muka. Damdam niya ang sakit sa kanyang pisngi, ngunit di makuha ang loob na ibaba ang kanyang ngisi.

"Sandali lang po," sabi ng mama. Walang bahalang iniabot nito ang kamay sa loob ng kanyang tsaketa. Punang puna ni Efren ang umuusling itim na hawakan ng baril sa sinturon ng kanyang pasahero.


By the way, the dictionary I'm using is a very impressive English-Tagalog dictionary by Fr. Leo James English, a Redemptorist missionary. Extremely helpful and complete.

2 comments:

  1. Kewl! I wish I'll have the imagination to come up with something in Filipino. I love the way it sounds, although, like you, I'd probably reach for the dictionary each time I come up with a sentence. Good luck!=)

    ReplyDelete
  2. You really should try it, Michelle. It's a liberating and mind-expanding experience.

    ReplyDelete